الغريبة بالالوان

الغريبة بالالوان

المقادير


2/1 3 كوب طحين
كوب سكر بودره
2 كوب زبده
الوان متعدده .. انا استعملت روح المانجو والتوت ولون اخضر


الطريقه


في صحن عميق .. نضع الزبده اللينه .. ونحركها شوي .. نضيف السكر
نخلط بملعقه خشب او بالعجانه ما في فرق .. وبالاخير نضيف الطحين
لحد ما تصير العجينه متماسكه وطريه
نقسمها زي ما بدنا .. ونضيف الألوان على الاقسام .. واذا طريت شوي مع اللون نضيف
شوية سكر بودره .. طبعا ممكن تخليها كلها لون واحد .. بس انا حبيت أغير





في صينيه مدهونه .. نعمل من الغريبه الاشكال اللي بدنا اياها وانا زينتها بالفستق الحلبي
وقطع السكر الصغيره
عادة بعملها على شكل هلال .. لكن بنتي الصغيره ما خلت الي مجال عشان أتفنن فيها
الكميه هاي صغيره طبعا .. انا بعمل عادة مرتين او تلاته منها





نحط الصواني في الفرن على درجة حراره هاديه .. 160 لمدة ربع ساعه تقريبا
(يعتمد على درجات الحراره في فرنك )


لحد ما يبدى يتغير اللون شوي من الاسفل .. نخرجها من الفرن نتركها لحد ما تبرد شوي


انا هلا ببدأ احط كل نوع حلو بعمله في علب .. لحتى يوم العيد .. وبعدين بزبط منظر الطاوله مع كل
الحلويات .. بس اليوم حبيت افرجيكم منظرها كيف لما تتقدم





والطعم .. رااااااااااااااااااااائع .. والالوان غنيه




-------------------------------------------

الغريبة

المقادير .. كوبان ونصف طحين .. كوب سمنه .. ثلاثة ارباع كوب سكر بودره .. ربع ملعقه صغيره بيكنغ باودر
نصف ملعقة صغيره فانيليا وطبعا للتزيين الفستق

الطريقه .. متل الاولى .. يخفق السمن بملعقه خشبيه .. لحد ما يطرى .. نضيف السكر .. ونخفق لحد
ما يتجانس الخليط .. نضيف الطحين بالتدريج .. وتعجن لحتى تصير عجينه طريه متل الاولى
تشكل على هيئة دوائر او دوائر مفرغه او حرف s او هلال

في صينية مدهونه في الفرن لحتى يتغير بس لون القاعده للغريبه

وهاي الصور على السرييييييع



والطريقتين بجننو عنجد .. بس اظن التانيه ما بتتحمل الالوان